Að gefnu tilefni...

Rakst á þetta... því miður eflaust staðreynd fyrir marga... en pínu fyndið samt!

Skuldugur (Söknuður)

Mér finnst ég varla heill né hálfur maður
Og heldur blankur, því er verr
Ef væri aur hjá mér, væri ég glaður
Betur settur en ég er

Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.

Við gátum spreðað, gengið um,
gleymt okkur í búðunum.
Engin svör eru við stjórnarráð
Gengið saman hönd í hönd,
Saman flogið niður á strönd.
Fundið stað, sameinað beggja lán.

Horfið er nú hlutabréf og lánsfé
Í veski mínu hefur eymdin völd
Í dag ræður bara sultarólin
Nú einn ég sit um skuldavönd

Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.

Ég horfi yfir bankann minn
Hugsi hvort hann hleypi mér inn
Ég alltaf gat treyst á þig
Í að fjármagna mig
Ég reyndar skulda allstaðar
Þá napurt er, það næðir hér
og nístir mig.

Skuldaklukkan sprakk

Athugasemdir

[Zunderman (IP-tala skráð) 13.10.2008 kl. 18:02]

Brilliant - takturinn passar reyndar ekki alveg við fyrstu fjórar línurnar í seinasta erindinu (já - ég sönglaði þetta...)

Hvað er samt málið með gula litinn í linkum á síðunni - Fjölnisvæddirðu hana?