Hræsni dagsins...

Ég skil ekki Samfylkinguna og stefnu þeirra í umhverfismálum. Hún kemst upp með að segja eitt og gera allt annað. Þetta toppar hins vegar alla vitleysuna... þótt ég sé yfirleitt hrifin af gjörningum sem sýna fram á point... þá fór þessi alveg framhjá...

Í fréttum RÚV í gærkvöldi: 

"Græna netið, umhverfisfélag Samfylkingarinnar, og ungir jafnaðarmenn nýttu daginn og gróðursettu sólberjarunna í Helguvík þar sem fyrirhugað er að reisa álver. Þau kölluðu plönturnar Þórunni og Össur og vildu með gjörðinni vekja athygli á öðrum atvinnumöguleikum á Suðurnesjum en álveri."

Hvar eru stóru orðin sem voru fyrir kosningar um að fresta öllum stóriðjuframkvæmdum... þeir gætu það nú bara víst! En núna þegar sama fólk situr í ríkisstjórn þá er ekkert hægt að gera... er ekki Þórunn umhverfisráðherra og Össur iðnaðarráðherra? Sorry... en þetta er ekkert annað en hræsni!

Pólitíkin í BNA

Flottur frontur!

Eyþór Ingi frá Dalvík sigraði í Bandinu hans Bubba... og er vel að því kominn enda ótrúlega flottur og frambærilegur strákur... til hamingju!

Ætli þetta eigi ekki sérstaklega vel við núna?

 

 

 

 

 

 

 

Vill að Reykjavíkurborg selji REI

Frekar fyndið....

 

 

 

 

 

 

 

 

 

 

 Sjá á baggalutur.is 

Pása...

Smá bloggleiði í gangi í augnablikinu...

Ónýt ríkisstjórn!

Það er óþolandi hvað þessi blessaða ríkisstjórn kemst upp með að gera ekki neitt nema gefa út ódýrar yfirlýsingar. Núverandi efnahagsástand er grafalvarlegt og afleiðingar þess munu koma í ljós á næstu vikum og mánuðum. Það hlýtur að vera betra að bregðast við núna en þegar ástandið hefur versnað enn frekar. 

Það liggur fyrir að gríðarlega sveiflur í gengi krónunnar eru að gera heimilum og fyrirtækjum í landinu erfitt fyrir. Krónan má sín lítils í alþjóðlegu fjármálaumhverfi. Við verðum að fara að hugsa alvarlega um mögulegar lausnir á þessu vanda. Óstöðugleiki í efnahagslífinu er vandamál sem verður að taka á.

Stjórnvöld eiga að skilgreina samningsmarkmið Íslands og hefja viðræður um mögulega aðild að Evrópusambandinu sem allra fyrst. Það þarf að láta reyna á hvort hagsmunum Íslendinga verði betur borgið innan sambandsins eða utan þess. 

Það er samt sem áður nokkuð ljóst að þessi ríkisstjórn mun ekki fara í þessa vinnu enda ekki á dagskrá, þrátt fyrir að Samfylkingin, "Evrópusinnarnir", séu þátttakendur í þessu stjórnarsamstarfi. Því er heppilegast fyrir þjóðina að taka af skarið og krefjast þjóðaratkvæðagreiðslu um það hvort eigi að fara í aðildarviðræður eða ekki.

Ríkisstjórnin mun ekki gera neitt nema almenningur refsi henni í næstu skoðanakönnun. Á meðan stjórnarflokkarnir, þá sérstaklega Samfylkingin sem er að mælast með sitt hæsta fylgi í langan tíma, rugga þeir ekki bátnum. Ekki gleyma því að þessi ríkisstjórn setti fram gríðarleg þenslufjárlög fyrir ekki svo löngu með tilheyrandi afleiðingum.

Nú er tími fyrir framsóknarmenn að rísa upp tala fyrir lausnum í þessu ástandi sem landsmenn eru á leið inn í.  Það er greinilegt að Sjálfstæðisflokkur og Samfylking eru ekki traustsins verð heldur bregðast í með öllu. Framsóknarmenn hafa ávallt og munu ávallt setja efnahagsmálin í fyrsta sæti. Atvinnuleysi, verðbólga og gjaldþrot er ekki það sem við viljum fyrir fólkið í landinu!

"Ekki gera ekki neitt"!

Jóhanna Hreiðarsdóttir
formaður Alfreðs og gjaldkeri SUF

Vilja aðildarviðræður við ESB

Forsætisráðherra í hnotskurn?

 

 

 

 

 

 

 

 

 

 

 

 

Ráðherra í ruglinu!

Kristján Möller er í ruglinu. Ráðherraferillinn byrjaði nú ekki gæfulega með Grímseyjarferjumálinu og þegar hann ætlaði að redda sér fyrir horn með því að hengja skipaverkfræðinginn fyrir allt klúðrið. Ekki bætti nú úr skák þegar aðstoðarmaður hans Róbert Marshall mætti í Kastljósið sem kórdrengur með kjaft!

Ofan á það leggjast svik hans nú við kjósendur í NA-kjördæmi sem kusu hann m.a. út á fögur fyrirheit um gjaldfrjáls Vaðlaheiðargöng strax. Það er ekki að fara að gerast. Eins hunsaði hann flokksbróður sinn og þáverandi borgarstjóra í umræðunni um Sundabraut. Það er komið í ljós að hún er ekki á dagskrá.

Ráðherrann kvartaði svo og kveinaði yfir rangfærslum í Fréttablaðinu þar sem "ranglega" væri haft eftir honum að Vaðlaheiðargöng væru í forgangi framyfir Sundabraut. En hvað hefur síðan komið í ljós? Síðan las ég áðan pistil eftir Magnús Halldórsson blaðamann sem skrifaði greinina sem ráðherra var ósáttur við. Þvílíkur yfirgangur hjá þeim Möller og Marshallaðstoðinni... svona virkar þetta víst hjá hinum háu herrum! Hvet alla til að lesa pistilinn á bloggsíðu Magnúsar.

 

 

 

 

 

 

 

 

 

 

 

 

 

 

 

 

 

 

 

 

 

 

Tek það fram að fréttamenn eiga að hafa rétt og satt eftir viðmælendum og eiga það stundum sjálfir til að vera með yfirgang. Þeir bera fyrst og fremst skyldur gagnvart almenningi að veita réttar upplýsingar.... jafnvel þótt valdamönnum "líki" það ekki! Því miður virðist skorta oft töluvert upp á gagnrýna umfjöllun nú til dags!

Samgönguráðherra fyrir og eftir!

Kristján L Möller samgönguráðherra sló um sig á  blaðamannafundi í morgun og tilkynnti viðauka við samgönguáætlun þar sem kom fram að framkvæmdir við tvöföldun Suðurlandsvegar og Vaðlaheiðargöng eigi að hefjast á næsta ári. Báðar þessar framkvæmdir verða í einkaframkvæmd en gert er ráð fyrir að helmingur kostnaðarins af Vaðlaheiðargöngum verði innheimtur með veggjöldum. 

Rifjum upp fyrri ummæli Kristjáns Möller varðandi þetta mál fyrir kosningar:

Kristján Möller í fréttum Rásar 1 og 2  3. apríl 2007 kl. 18.00
Samfylkingin vill að ríkissjóður kosti gerð Vaðlaheiðarganga þannig að ekki þurfi að krefjast veggjalds.

Kristján Möller sagði að "aðalatriðið er það að við erum líka að segja það að við viljum hafa þessi göng gjaldfrjáls".

Grein Kristjáns Möller á vef Samfylkingarinnar 20. apríl 2007

"Vaðlaheiðargöng eiga að okkar mati að vera annað hvort hefðbundin ríkisframkvæmd með fjárveitingu eða lántöku ríkissjóðs eða einkaframkvæmd þar sem verktakar framkvæma og fjármagna verkið og fá það síðan greitt til baka frá ríkissjóði."

"Ég er með þessu að segja að veggjald verði ekki innheimt af notendum Vaðlaheiðarganga, ekki frekari en fyrir notkun fyrirhugaðrar Sundabrautar og Suðurlandsvegar þegar hann verður tvöfaldaður. Jafnréttis- og jafnræðissjónarmið ráða því þessari hugmynd minni. Rétt er líka að benda á að verði Vaðlaheiðargöng gjaldfrjáls þarf ekki að viðhalda með ærnum tilkostnaði gamla veginum um Víkurskarð". 

Einnig vildi hann hefja framvæmdir strax og opna göngin um áramótin 2009-2010. Hæglega væri hægt að klára verkið á 2 árum. Nú er verið að tala um að því ljúki sumarið 2012.

Heyrðu... ganga hlutirnir sem sagt ekki eins hratt fyrir sig þegar þú ert orðinn ráðherra?

Í fréttum RÚV 24. maí 2007 eftir kosningar þegar Kristján Möller var nýorðinn samgönguráðherra þá mundi hann ennþá en þó óljóst eftir þessari stefnu sinni og Samfylkingarinnar.

"Ég er þeirrar skoðunar að það eigi jafnræði og jafnrétti að ríkja hjá öllum landsmönnum án tillits til hvar þeir eiga heima og ef aðrir vegir verða gjaldfrjálsir þá eiga að sjálfsögðu Vaðlaheiðargöng að vera það líka."

Og aðspurður um þá skoðun að flýta framkvæmdum dró hann í land og sagði óábyrgt að segja eitthvað um það.

Bíddu... var þá ekki óábyrgt að tala með þeim hætti fyrir kosningar þegar þú þurftir á atkvæðunum að halda?

Þess má líka geta að ekkert er minnst á Sundabraut í áætluninni enda er það í takt við stöðugan flótta ráðherra frá málinu. Það er einfaldlega ekki á dagskrá!

Bendi á góðan pistil Péturs Gunnarssonar á Eyjunni um það hér. 

11 milljarðar í framkvæmdir