Neytendavaktin

Skrapp í Hagkaup áðan til að redda nokkrum hlutum sem vantaði á heimilið. Í allri umræðunni um verðbólgu og verðlagseftirlit þá fylgdist ég nokkuð vel með því sem ég keypti og reyndi að velja ódýrustu vörutegundina hverju sinni. Síðan fór ég á kassann og borgaði... renndi síðan í fljótheitum yfir strimilinn og rak strax augun í nokkur misræmi milli kassaverðs og hilluverðs. 

Vörutegund   Hilluverð   Kassaverð   Mismunur
Vara 1               339                399               60
Vara 2               339                359               20
Vara 3               109                124               15
Vara 4               277                314               37
Vara 5               298                339               41

Það eru mjög ámælisverð vinnubrögð þegar af c.a. 20 vörum skulu 5 vörur vera rangt merktar til neytenda þar sem neytendur taka ákvörðun um kaup sín m.a. af merktu verði.

Mikilvægt er að almenningur fylgist vel með... þótt þetta séu ekki endilega stórar upphæðir þá er það prinsippmál að menn stundi heiðarlega viðskiptahætti.

Uppfært: Þar sem ég er prinsippmanneskja þá fór ég einn rúnt um búðina, skráði niður hilluverðin, lét kalla í verslunarstjórann, fékk mínar tæpu 200 kr. tilbaka og skammaði hann aðeins...

Yfirlýsing frá Heklu

Athugasemdir

[maddaman, 7.5.2008 kl. 20:33]

Já, af gefnu tilefni þá lét ég kalla í verslunarstjórann, fékk ég mínar tæpu 200 kr endurgreiddar og skammaði hann fyrir slæma viðskiptahætti.

Reyndar kostaði Frissi Frískinn 129 á hillunni en 126 á kassanum... 

[Sigurður Haukur Gíslason, 8.5.2008 kl. 00:24]

Keypti Disney samstæðu spil í Hagkaup á Seltjarnarnesi fyrir viku. Hilluverðið var rúmlega 700 kr. en kassaverðið 885 kr. Tók ekki eftir þessu fyrr en ég var kominn heim í Kópavoginn og það svaraði ekki kostnaði að gera eitthvað í málinu.

Fór svo daginn eftir í Hagkaup í Smáralind og keypti litabók sem á stóð 389 kr. Þegar henni var rennt í gegnum kassann þá stóð 615 kr. Ég gerði athugasemd og borgaði fyrir bókina 389 kr. en ef ég hefði keypt bókina með helgarinnkaupunum þá hefði ég sennilega ekki tekið eftir þessu.

Það væri gaman að heyra dæmi um verð sem eru lægri við kassa en við hillu.