Jólakveðja

"Erfið staða"... já einmitt

Ég sat og beið spennt eftir að sjá umfjöllun Kastljóssins um ráðningu sonar Davíðs Oddssonar fv. forsætisráðherra og Seðlabankastjóra í embætti dómara við Héraðsdóm Norðurlands eystra og Austurlands. Átti mögulega von á langri einræðu og upptalingu um fyrrum embættisfærslur ráðherra Sjálfstæðisflokksins á þessu sviði, jafnvel dramatískt myndskreytta þar sem nöfn og tengsl viðkomandi poppa upp á skjánum svo ekkert fari fram hjá þeim sem á horfir. 

Þvílík vonbrigði... engin einræða og ekki ein mynd Og hið vinsæla orð SPILLING kom heldur ekki fram, heldur er þetta "erfið staða" skv. Kastljósinu... já einmitt! Ég er illa svikin því af nógu er að taka, því þetta er ekki í fyrsta umdeilda dómararáðningin á undanförnum fjórum árum... nei ÞRIÐJA! Og ekki gleyma þeim sem fá að ráða... já ráða í feitu bitana í dómskerfinu sem á að vera hlutlaust og óháð... já það er einmitt alveg að gera sig! Allir stóru kallarnir í Sjálfstæðisflokknum, Björn Bjarnason, Geir H. Haarde og nú síðast Árni Mathiesen eru augljóslega ekki að hugsa um fólkið í landinu heldur er eitthvað allt annað sem býr undir. Common... við erum ekki að tala um einhvern smá business heldur dómsvaldið í landinu!

Ólafur Börkur Þorvaldsson, systursonur Davíðs Oddssonar 

Skipaður hæstaréttardómari af Birni Bjarnasyni 1. sept. 2003. Ekki metinn hæfastur og meira að segja nokkuð langt frá því. Hann hafði ekki bestu prófgráðurnar né starfsreynsluna og fékk ekki meðmæli Hæstaréttar.

Jón Steinar Gunnlaugsson, gamall vinur Davíðs Oddssonar 

Skipaður hæstaréttardómari af Geir H. Haarde, settum dómsmálaráðherra og þáverandi fjármálaráðherra, 29. september 2004. Ekki heldur metinn hæfastur og nokkuð margir á undan. Geir bað Hæstarétt að fara aftur yfir hæfi umsækjenda m.t.t. lögmannsreynslu sem ekki var leitað eftir í upphafi. Á þeirri forsendu skipaði Geir gamla vin Davíðs.

Þorsteinn Davíðsson, sonur Davíðs Oddssonar

Og nýjasta dæmið... sonurinn skipaður dómari við Héraðsdóm Norðurlands eystra og Austurlands í gær. Ekki metinn "mjög vel hæfur" eins og þrír aðrir, ekki "vel hæfur" heldur "hæfur" skv. nefnd undir formennsku Péturs Kr. Hafstein sem falið var að meta hæfi umsækjenda. Bæði Pétur Hafstein og Eggert Óskarsson, formaður dómarafélagsins, hafa gagnrýnt ráðninguna opinberlega.

Það besta er hins vegar vörn Árna Matt... hann er einfaldlega ekki sammála nefndinni, mat þeirra sé mjög gallað skv. fréttum RÚV í kvöld (jú, þetta "meikaði það" í fréttirnar á Bláskjá). Árni hefur líklega meiri og betri þekkingu á dómsvaldinu að eigin mati heldur en fagnefnd skipuð m.a. fv. hæstaréttardómara og formanni dómarafélagsins. FRÁBÆRT!

En ég held að ég sakni Helga Seljan... ætli hann sé kominn í jólafrí?

Annars þá er ég ekki frá því að þeir Ólafur Börkur og Árni Matt séu tvífarar dagsins... var einhver búinn að tékka hvort þeir séu eitthvað skyldir???

 

 

 

 

 

 

 

P.S. myndir fengnar "að láni" frá visir.is.

Vísað í frétt RÚV frá því í kvöld http://ruv.is/heim/frettir/frett/store64/item183738/ og Vísi http://www.visir.is/article/20071221/FRETTIR01/71221066

Get ekki vísað í Morgunblaðið af því að það var lítið sem ekkert um þetta mál þar að finna, ótrúlegt en satt!

REI, REI...

Framkvæmdir

Þessa dagana er nóg að gera í breytingum á heimilinu. Ég er einstaklega dugleg að koma mér í svona project þegar ég á að vera að gera eitthvað annað þ.e. lesa fyrir próf. En síðustu dagar hafa ekki alveg gengið þrautalaust fyrir sig. Töluvert hefur verið um innkaup á ýmsum hlutum, s.s. innréttingum, vaski, blöndunartækjum, málningu, flísum og öllu sem því fylgir.

En vesenið byrjaði í flísabúðinni... þá kom í ljós þegar komið var á lagerinn að flísarnar sem ég keypti voru bara ekki til. Skrambinn... en fékk aðrar svipaðar en þó ekki eins Síðan var hafin leit að the blöndunartækjum og fundust þau eftir nokkra leit í Húsasmiðjunni en voru uppseld. Þá var farið í næstu Húsasmiðjubúð en þau voru uppseld þar líka. Þá var mér bent á Egg og þangað fór ég og fékk góssið loksins. Síðan þegar heim var komið var engin botnloka... damn... önnur ferð í Húsasmiðjuna en botnlokan ekki til, síðan næstu búð en ekki heldur til.. þá var mér loksins sagt að botnlokan ætti að fylgja með tækinu og því var farin önnur ferð í Egg og þar fékk ég botnlokuna eftir mikið maus En gleðin var ekki búin... því nú var komið að því að setja saman fínu háglans innréttingarnar. Nema hvað að þær voru bara alls ekki háglans... heldur var einn skápurinn með  möttum hvítum hurðum, annar með álhurðum og þriðji ekki með neinum... FRÁBÆRT... arrghh Þá hafði starfsmaðurinn klikkað svona á vörunúmerunum í tölvunni að ekkert í pöntuninni var rétt... úff þarna átti ég ekki von á góðu en sem betur fer reddaðist þetta og ég fékk réttar hurðir og hliðar.

Það er reyndar mjög áhugavert að fylgjast með kaupmennsku þessa daga... það er eins og verslanir skýli sér endalaust á bak við starfsmannaskort... lítil sem engin þjónusta, mistök, rangar upplýsingar o.s.frv. Þetta er hættuleg þróun ef svona þykir bara allt í lagi... því það sé nýtt fólk eða fátt fólk. Ef þjónustan skerðist svo mikið þá ætti vöruverðið að lækka í samræmi við það ef viðskiptavinirnir eiga bara að vera í "self service". Því miður virðist umhverfið vera þannig að neytendur hafa lítinn sem engan rétt. Þetta verður að laga!

Annars ganga framkvæmdir vel, flísarnar komnar á baðið, búið að mála og skrúfa saman flestar innréttingarnar sem á svo að setja upp á morgun. Síðan var aðeins flikkað upp á eldhúsið svona í leiðinni.

Umræðupólítík

Okei... miðað við öll stóryrðin sem komið hafa frá Samfylkingunni undanfarin ár þá átti ég nú von á að fulltrúar flokksins í ríkisstjórn og á Alþingi myndu kannski reyna að framkvæma eitthvað af sínum stefnumálum og það sem fyrst! En svo virðist bara alls ekki vera. Lítið sem ekkert hefur komið frá þeim nema innantóm loforð og gylliboð í fjölmiðlum. En það sem actually kemur inn í sal Alþingis eru gæluverkefni á borð við starfsheiti ráðherra... frábært hjá jafnaðarmannaflokki sem loksins komst í ríkisstjórn!

Pæling

Ég er aðeins að velta því fyrir mér af hverju það er aldrei sýnt frá leikjum í handboltanum hér heima. Áður gat maður alltaf fylgst með a.m.k. einum leik í viku í efstu deild karla og kvenna á RÚV en ég man ekki eftir því að það hafi verið sýndur neinn leikur af því sem af er þessu tímabili. Af hverju... ég bara spyr? Er þetta ekki "þjóðaríþrótt" okkar Íslendinga?

Tips fyrir kvöldið...

Jólabókin í ár?

Við kíktum nokkur saman í Mál og menningu í gær að tilefni útgáfu nýrrar bókar Guðna Ágústssonar, formann Framsóknarflokksins. Þar var fjölmenni og mátti sjá nokkur þekkt andlit s.s. Alfreð Þorsteins, Össur, Magga Stefáns, Loga Bergmann, Kristinn Hrafnsson, Kötu Júl, Ragnheiði Elínu, Kolbrúnu Bergþórs o.fl. Það verður eflaust fróðlegt að kíkja í þessa um jólin...

 

 

 

 

 

 

 

 

 

 

  

 

 

 

 

 

 

 

 

 

 

  

 

 

 

 

 

 

 

 

 

 

  

Flashback

Við vinkonurnar úr Verzló erum farnar að mæta galvaskar í blak núna alla þriðjudaga í íþróttahúsinu í Verzló. Já blak... það er sem sagt eins konar "þjóðaríþrótt" í Verzló! Ég man hvað okkur þótti þetta ótrúlega glatað þegar við byrjuðum, vildum helst alltaf fara bara í fótbolta! En það breyttist og fljótlega vildum við bara vera í blaki... kepptum á mótum innan skólans og hvaðeina.

En vá hvað er skrýtið að upplifa aftur framhaldsskólaárin. Bara það að labba inn í húsið, mæta starfsfólkinu og kennurunum sem maður by the way þekkir ennþá... þá rifjast ýmislegt upp! Fyndið hvað allt virðist vera samt svipað... þótt blakhæfileikarnir hafi reyndar aðeins farið minnkandi þessi þrjú ár sem við vorum í pásu

Ég á ekki til orð...

... ef þetta er satt! Hvað á svona framkoma eiginlega að þýða? Ég trúi ekki að hinn almenni sjálfstæðismaður og þeir trúnaðarmenn sem boðaðir voru á þennan fund láti í alvörunni bjóða sér þetta!

Það er greinilegt að nú er björgunarherferð Sjálfstæðisflokksins farin í gang... a la Davíð! Það er ekkert að hjá okkur, þetta er allt öðrum að kenna og síðan er treyst á að allir haldi sér saman! Svona framferði hlýtur að dæma sig sjálft, sérstaklega miðað við öll stóru orðin sem þetta ágæta fólk hefur leyft sér að láta falla opinberlega um aðra aðila málsins... ÓTRÚLEGT!