Hræsni dagsins...

Ég skil ekki Samfylkinguna og stefnu þeirra í umhverfismálum. Hún kemst upp með að segja eitt og gera allt annað. Þetta toppar hins vegar alla vitleysuna... þótt ég sé yfirleitt hrifin af gjörningum sem sýna fram á point... þá fór þessi alveg framhjá...

Í fréttum RÚV í gærkvöldi: 

"Græna netið, umhverfisfélag Samfylkingarinnar, og ungir jafnaðarmenn nýttu daginn og gróðursettu sólberjarunna í Helguvík þar sem fyrirhugað er að reisa álver. Þau kölluðu plönturnar Þórunni og Össur og vildu með gjörðinni vekja athygli á öðrum atvinnumöguleikum á Suðurnesjum en álveri."

Hvar eru stóru orðin sem voru fyrir kosningar um að fresta öllum stóriðjuframkvæmdum... þeir gætu það nú bara víst! En núna þegar sama fólk situr í ríkisstjórn þá er ekkert hægt að gera... er ekki Þórunn umhverfisráðherra og Össur iðnaðarráðherra? Sorry... en þetta er ekkert annað en hræsni!

Athugasemdir

[Zunderman (IP-tala skráð) 26.4.2008 kl. 17:38]

Fagra Ísland - ljóta klúðrið..?

[Gestur Guðjónsson, 27.4.2008 kl. 21:00]

Hvaða, hvaða, þetta eru einmitt þau sem meintu það sem þau sögðu í kosningabaráttunni, þeas Alþýðubandalagshluti hennar, en restin af fjórflokknum, Þjóðvaki, Alþýðuflokkurinn og Kvennalistinn er ekki á því að þetta hafi verið nokkuð að marka.

Þetta eru innanflokksátök, ekkert annað