Pæling

Ég er aðeins að velta því fyrir mér af hverju það er aldrei sýnt frá leikjum í handboltanum hér heima. Áður gat maður alltaf fylgst með a.m.k. einum leik í viku í efstu deild karla og kvenna á RÚV en ég man ekki eftir því að það hafi verið sýndur neinn leikur af því sem af er þessu tímabili. Af hverju... ég bara spyr? Er þetta ekki "þjóðaríþrótt" okkar Íslendinga?

Tips fyrir kvöldið...

Jólabókin í ár?

Við kíktum nokkur saman í Mál og menningu í gær að tilefni útgáfu nýrrar bókar Guðna Ágústssonar, formann Framsóknarflokksins. Þar var fjölmenni og mátti sjá nokkur þekkt andlit s.s. Alfreð Þorsteins, Össur, Magga Stefáns, Loga Bergmann, Kristinn Hrafnsson, Kötu Júl, Ragnheiði Elínu, Kolbrúnu Bergþórs o.fl. Það verður eflaust fróðlegt að kíkja í þessa um jólin...

 

 

 

 

 

 

 

 

 

 

  

 

 

 

 

 

 

 

 

 

 

  

 

 

 

 

 

 

 

 

 

 

  

Flashback

Við vinkonurnar úr Verzló erum farnar að mæta galvaskar í blak núna alla þriðjudaga í íþróttahúsinu í Verzló. Já blak... það er sem sagt eins konar "þjóðaríþrótt" í Verzló! Ég man hvað okkur þótti þetta ótrúlega glatað þegar við byrjuðum, vildum helst alltaf fara bara í fótbolta! En það breyttist og fljótlega vildum við bara vera í blaki... kepptum á mótum innan skólans og hvaðeina.

En vá hvað er skrýtið að upplifa aftur framhaldsskólaárin. Bara það að labba inn í húsið, mæta starfsfólkinu og kennurunum sem maður by the way þekkir ennþá... þá rifjast ýmislegt upp! Fyndið hvað allt virðist vera samt svipað... þótt blakhæfileikarnir hafi reyndar aðeins farið minnkandi þessi þrjú ár sem við vorum í pásu

Ég á ekki til orð...

... ef þetta er satt! Hvað á svona framkoma eiginlega að þýða? Ég trúi ekki að hinn almenni sjálfstæðismaður og þeir trúnaðarmenn sem boðaðir voru á þennan fund láti í alvörunni bjóða sér þetta!

Það er greinilegt að nú er björgunarherferð Sjálfstæðisflokksins farin í gang... a la Davíð! Það er ekkert að hjá okkur, þetta er allt öðrum að kenna og síðan er treyst á að allir haldi sér saman! Svona framferði hlýtur að dæma sig sjálft, sérstaklega miðað við öll stóru orðin sem þetta ágæta fólk hefur leyft sér að láta falla opinberlega um aðra aðila málsins... ÓTRÚLEGT!

Óvissuferð

Við "beljurnar" fórum í ótrúlega skemmtilega óvissuferð um síðustu helgi. Við byrjuðum í brunch heima hjá Guðrúnu Ástu, síðan var farið í leiki í Laugardalnum, svo á skauta í Skautahöllinni og að lokum í magadans í Magadanshúsinu. Það var mjög skemmtilegt og við hlógum okkur máttlausar á meðan þessu stóð.

Eftir þetta allt saman skellti hópurinn sér í pottinn á Hótel Loftleiðum til að undirbúa sig fyrir kvöldið. Þangað kom svo rúta og fór með okkur heim til Ernu þar sem við borðuðum og skemmtum okkur fram eftir kvöldi. Anna Rut, Erna og Guðrún Ásta voru stóðu sig geðveikt vel í skipulagningunni... nú þurfum við Jana og Edda Lára að toppa þetta í næstu óvissuferðarnefnd. Takk stelpur fyrir brilliant dag! Hérna koma svo nokkrar myndir frá herlegheitunum...